Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
I dashuri bodyguard i princeshës së Dubait, Haya nuk ishte i përfshirë në shantanzhin prej 7 milionë paundësh për ta mbajtur të fshehtë çështjen, kanë deklaruar sot shokët dhe kolegët e tij.
Ata insistojnë se ish-ushtaraku britanik Russell Flowers nuk i kishte kërkuar para në fund të lidhjes së tyre gati dy-vjeçare.
Por ishte paguar gjithsesi 1.2 milionë paundë si pjesë e marrëveshjes së mos-publikimit që e ndalonte të fliste për lidhjen intime me bashkëshorten e sundimtarit miliarder të Dubait, Sheik Mohammed Maktoum apo ceshtje te tjera.
“Nuk ka pasur shantazh nga Russell, ai nuk është i tillë, kjo nuk ka ndodhur” tha së fundmi një miki tij për tabloidin britanik Daily Mail.
Afera mes të dyve duket se i dha fund gjithashtu martesës katër vjeçare të Flowers, duke lënë gruan e tij të shkatërruar nga tradhtia.
Miqtë i kishin thënë bashkëshortes së bodyguardi-it se 37 vjeçari ishte joshur nga princesha 46-vjeçare, dhuratat e të cilës për të dashurin sekret përfshinin një orë 12,000 paundë si dhe një pushkë artizanale prej 50,000 paundë.
Një ish-koleg i tij tha: “Ishtë diçka standarde që kur lije punën me familjen mbretërore të Dubait nënshkruan marrëveshjen e mospublikimit të informacioneve”.
“Kështu është vepruar prej vitesh, kur nënshkruhet marrëveshja biet dakord dhe për shpërblimin financiar”.
Princesha Haya, do të marrë nga divorci i saj shumën rekord prej 554 milionë paundë, por në gjyqin e djeshëm u tha se ajo ishte viktimë e shantazhit nga katër anëtarë të grupit të saj të sigurisë.
Ajo tha se ka paguar tre prej tyre 7 milionë paundë për të heshtur mbi çështjen.
Autorët nuk u identifikuan në gjykatë por u emëruan vetëm si zotërinjtë A, B e C.
Zoti A kishte marrë £2.5 mln kurse dy të tjerët kishin ndarë £4.45mln.
Ish-ushtaraku Flowers, nuk u emërua në procedimet e gjykatës por ishte identifikuar më parë si i dashuri sekret i princeshës.
Vitin e kaluar u zbulua se ai kishte përfituar £1.2milionë nga afera me princeshën, çka bëri që martesa e saj të merrte fund dhe të largohej nga Dubai duke u trembur për jetën e saj në 2018.
Flowers u caktua të punonte me princeshën në pronat mbretërore të Dalham Hall në Suffolk, Britani.
Miqtë e tij thonin se ai merrte gjithmonë dhomën ngjitur gjatë udhëtimeve në hotele me princeshën, e cila i jepte shume dhurata luksoze.
Më pas gruaja e tij kishte zbuluar aferën kur pa në cellular fotot e Princeshës.
Në gjyq u tha për stilin e jetesës së princeshës dhe bashkëshortit 72-vjeçar, se në një rast 2 milionë paundë ishin shpenzuar vetëm në luleshtrydhe.
Top Channel
