Në përpjekje për të forcuar marinën e saj luftarake, Greqia pritet të fillojë negociatat për të blerë fregatën e e katërt nga Franca 19/09 23:00
Qeveria e SHBA-së do të emërojë një Këshilltar të Përhershëm Ligjor për të rritur kapacitetin për hetime, ndjekje penale dhe gjykime në rastet e korrupsionit dhe krimit të organizuar në të gjithë Ballkanin Perëndimor, duke përfshirë Malin e Zi, Shqipërinë, BeH, Kroacinë, Maqedoninë Veriore, Serbinë dhe Kosovën, thotë Kosova Press.
Zyrtari i lartë do të veprojë nga Zagrebi dhe ndihma do të fokusohet kryesisht në mashtrimin e prokurimeve publike, korrupsionin, pastrimin e parave, krimin e organizuar, dhunën me bazë gjinore dhe trafikimin e qenieve njerëzore.
Këshilltari i Përhershëm Ligjor do të punojë për një periudhë 14-mujore, duke filluar nga prilli 2022, me mundësi vazhdimi, në varësi të fondeve. Ai do të caktohet në Ambasadën Amerikane në Zagreb dhe do të punojë në partneritet të ngushtë me Ministrinë e Drejtësisë së Kroacisë.
“RLA do të përfaqësojë Ministrinë e Drejtësisë dhe OPDAT në zbatimin e aktiviteteve të asistencës teknike të financuara nga Byroja Ndërkombëtare e Narkotikëve dhe Çështjeve të Zbatimit të Ligjit të Departamentit të Shtetit, për të rritur kapacitetin për të hetuar dhe për të ndjekur penalisht rastet që përfshijnë korrupsionin dhe krimin e organizuar në të gjithë Ballkanin Perëndimor, përfshirë Malin e Zi , Shqipërinë, BeH, Kroacinë, Kosovën, Maqedoninë Veriore dhe Serbinë. Ky është një program rajonal”, thuhet në njoftimin publik.
Ndihma përfshin asistencë teknike, orientim dhe këshilla për hetimet, ndjekjet penale, si dhe vendimet, e vjen po kështu edhe në formën e analizave dhe këshillave për ligjet ekzistuese ose ato në pritje.
Top Channel
