“Ismail Bej Vlora s’do e njihte Shqipërinë sot”, Berisha: PD do mbetet e frymëzuar prej Amerikës sa kohë që… 28/11 13:38
Kryeministri i vendit, Edi Rama gjatë Forumit të Agrikulturës dhe Kooperimit Rajonal që po mbahet këtë të martë në Tiranë, bashkë me homologun e tij maqedonas, Zoran Zev dhe presidentin serb, Aleksandar Vuçiç, theksoi se bujqësia është jetike për ekonominë e Ballkanit.
Ai u bëri sërish thirrje tre vendeve që ende nduk pranojnë të jenë pjesë e ”Open Balkan”, Kosovës, Malit të Zi dhe Bosnje Hercegovinës.
“Kjo platformë shumë bazë e jetike nuk u ndërtua, tregu rajonal, por sot ne e themeluam me nënshkrimin tonë, që nga janari i vitit të ardhshëm do të shohin përfitimet e këtij nënshkrimi. Ky takim i parë do të jetë vetëm nisja e një punë midis jush së bashku që tashmë është koha për të punuar shumë më tepër në bazën e dijes. Duke pasur përparësi të qeverisë sonë. Prej këtej e tutje të çelni një treg të përbashkët shkëmbimesh, dhe për të synuar arritjen e programeve të përbashkëta. Bujqësia është jetike për ekonomitë e vendet tona, kjo është një arritje e jashtëzakonshme. Mos hezitoni të vini drejtpërdrejt tek ne, aty ku duhen bërë përpjekjet më të mëdha për ta bërë këtë shteg të përbashkët”, tha Rama.
Pesë marrëveshjet që u nënshkruan janë:
1-Një treg i përbashkët dhe i lirë pune mes Shqipërisë, Serbisë dhe Maqedonisë së Veriut.
2-Ngritja e një skeme të përbashkët ndërlidhje elektronike identifikimi për qytetarët në Ballkanin Perëndimor.
3-Marrëveshje ndërqeveritare mes Shqipërisë, Serbisë dhe Maqedonisë së Veriut për bashkëpunimin në fushën e veterinarisë, sigurisë ushqimore atë të fitosanitarisë në Ballkanin Perëndimor.
4-Marrëveshje Shqipëri-Serbi për njohje e ndërsjellë të operatorit ekonomik për siguri (AEOS).
5-Marrëveshje Shqipëri-Maqedoni e Veriut për njohje e ndërsjellë të operatorit ekonomik për siguri (AEOS)
Top Channel
