Ftesë në 5/ Ermal Hadribeaj kryeson ndeshjen në Gjermani dhe valëvit flamurin shqiptar! 18/12 21:14
Arsenal mori fitoren e tretë radhazi në Premier League teksa mposhti me rezultatin e thellë 1-4, skuadrën e Leeds United. Topçinjtë e siguruan fitoren që në pjesën e parë falë një dygolëshi të Martinellit dhe një tjetër realizimi të Saka. Në pjesën e dytë, golit të Raphinha iu kundërpërgjigj Smith Rowe, ndërsa një episod që tërhoqi shumë vëmendjen ishte festa e portierit të Arsenal, Aaron Ramsdale.
Ky i fundit ishte i shqetësuar gjatë gjithë kohës për shkak të ofendimeve nga tifozeria kundërshtare, mirëpo kjo nuk e pengoi të festonte në sytë e kundërshtarëve golat e shokëve të skuadrës dhe t’i nervozonte më shumë kundërshtarët.
Fillimisht, 23-vjeçari feston me gjuhën jashtë, ndërsa në vazhdim edhe iu dërgon puthje tifozerisë kundërshtare, e cila me siguri është ndjerë keq. Për këtë arsye edhe tifozët e Arsenal, e kanë kthyer në idhull Ramsdale ndërsa disa prej tyre i kërkojnë klubit t’i japë shiritin e kapitenit.
Sakaq, Ramsdale është transferuar në këtë sezon te Arsenal nga skuadra e Sheffield United, për shifrën e 28 milionë eurove, ndërsa ishte parashikuar të ishte portieri zëvendësues i Leno, mirëpo së fundmi ia ka “vjedhur” postin gjermanit./ SS
Top Channel
