Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Qeveria e re e koalicionit të gjerë në Bullgari u votua dje nga parlamenti dhe bëri betimin, e drejtuar nga kryeministri Kiril Petkov.
Partia e tij e re “Vazhdojmë Ndryshimin” mori shumicën e votave në zgjedhjet e përgjithshme të 14 nëntorit, në një prej vendeve më të varfra të BE.
Duke njoftuar kabinetin e tij, ish-biznesmeni Petkov, tha se “nuk do të humbas asnjë minutë” për të marrë aprovimin e kabinetit nga parlamenti.
Kryeministri 41 vjeçar prezantonte ministrat e tij të cilët ishin gjithashtu “profesionistë të rinj, me eksperiencë jashtë vendit, ose nga rrethet e biznesit”.
Dy palë zgjedhje në prill dhe në korrik në Bullgari sollën nje parlament të copëtuar pa mundur të formojnë një kabinet.
Petkov besohet se ka marrë votat e qytetarëve të zhgënjyer, të joshur nga platforma e tij me moton “zero tolerancë ndaj korrupsionit”.
Qeveria e re i jep fund gati dhjetë vjet dominimit të partisë së qendrës së majtë GERB të ish-kryeministrit “bodyguard” Boyko Borisov.
Top Channel
