Ministri Gonxhe u bën thirrje të rinjve të aplikojnë për punë në shtet: Janë 126 vende të lira, por kanë frikë të firmosin nga hetimet 23/04 22:38
Kryetari i Partisë Demokratike, Lulzim Basha të hënën iu referua mbledhjes së organizuar nga Sali Berisha në selinë blu si “batalion non grata-sh” dhe një “organizatë anti-amerikane” e zhvilluar përmes zellit të një ish-komunisti me gjuhën e mashtrimeve dhe gënjeshtrave.
“Me zellin e një ish-komunisti, me gjuhën e mashtrimeve dhe gënjeshtrave, po sjell me vete një batalion non grata-sh”.
Basha e akuzoi paraardhësin e tij si burracak dhe ish-komunist të vjetër, i aftë sipas tij të shkatërrojë dhe fëmijën e vet politik.
“Përballë njerëzve me precedentë kriminalë që solli Sali Berisha, duke na kujtuar 97, me zellin e pangordhur të një ish-komunisti”, tha kryedemokrati.
Sipas tij, ata janë llumi i PD-së, pasi erdhën me pantallona të grisura në 2005-ën dhe sot janë multimilionerë.
“Duhet t’i them Sali Berishës se është një pakicë e dëshpëruar. Në përpjekjen e tij për t’i shpëtuar ligjit, si burracak u përpoqee të gjeje një vend për t’u fshehur në PD”, tha Basha.
Ai nënvizoi se Partia Demokratike do të çlirohet nga Berisha dhe gorillat e tij.
“Berisha po përpiqet të minojë Kuvendin Kombëtar, pasi Berisha është minusi më i madh i legjitimitetit dhe i demokracisë”, u shpreh kryedemokrati.
Top Channel
