Shembet hyrja e tunelit në rrugën e re Kardhiq-Delvinë
10/12/2021 18:04
Të shtëna me armë zjarri në një lokal në Durrës, 29-vjeçari i dehur qëllon me armë gjahu 25/12 18:53
Dalja e tunelit të Skërficës, në anën e Delvinës, pjesë e rrugës Kardhiq-Delvinë është mbuluar nga dherat dhe gurët për shkak të një shembjeje të regjistruar këtë pasdite.
Sipas inxhinierëve të veprës, pritet që verifikimi teknik të kryhet nesër, për të parë nëse kemi të bëjmë me një dëm serioz apo një shembje e shpatit, të vendosur mbi hyrjen e tunelit, për shkak të reshjeve të dendura të shiut.
Tuneli me gjatësi 1613 metër u hap plotësisht pak muaj më parë, ndërsa në të gjithë aksin janë duke u kryer punime finale.
Ky aks, që nisi më shumë se një dekadë më parë pritet t’i shërbejë interesave të turizmit në këtë zonë por edhe banorëve të më shumë se 20 fshatrave në luginën e Kardhiqit dhe atë të Rrëzomës në Delvinë.
Top Channel
Të shtëna me armë zjarri në një lokal në Durrës, 29-vjeçari i dehur qëllon me armë gjahu 
