Dalin dëshmitë, dy gra akuzojnë kandidatin e Trump për Prokuror të Përgjithshëm se i pagoi për “shërbime seksuale”: Njëra ishte e mitur në 2017 19/11 07:48
Emma Tustin u ankua se të burgosurat e tjera e kanë goditur në burg dhe e kanë gjuajtur me kripë, por ky trajtim i bërë asaj nuk është asgjë krahasuar me vuajtjet që 32-vjeçarja i shkaktoi djalit të vogël 6-vjeçar të partnerit të vet.
Njerka përbindësh, siç e quajnë mediat angleze, u dënua me burgim të përjetshëm pasi torturoi dhe vrau thjeshtrin e vet, ndërsa babai i fëmijës u dënua me 21 vite burg pasi nuk u kujdes për të birin, por përkundrazi, e nxiste dhunën e Tustin ndaj tij.
Vogëlushi, Arthur Labinjo-Hughes u përball me torturat e njerkës gjatë periudhës së izolimit, kur duhet të qëndronte i mbyllur në shtëpi me të dhe të atin, teksa e ëma biologjike vuante prapa hekurave një dënim për agresion.
Pasi e ndëshkonte vogëlushin duke e lënë veç të tjerash dhe pa ngrënë, ndërsa ai i lutej për bukë, Tustin ia përplasi kokën duke i shkaktuar një lëndim që rezultoi fatal, e më pas, foton e trupit të pajetë të 6 vjeçarit ia dërgoi babait të tij, Thomas Hughes.
Ngjarja ndodhi në shtëpinë e saj në Solihull të Anglisë.
32-vjeçarja ankohet se të burgosurat e tjera po e kërcënojnë në mënyrë të vazhduar, por opinioni publik nuk është aspak në anën e saj.
Top Channel
