“Vinicius duhet të fitonte Topin e Artë, ishte padrejtësi”/ Ronaldo: Nuk do jem kurrë trajner, por mund të bëhem një… 27/12 21:50
Presidenti i UEFA-s, Alexander Ceferin, konsideron Kylian Mbappenë si lojtarin më të mirë në botë.
Këtë deklaratë, kreu i qeverisë së futbollit europian e dha gjatë një vizite në selinë e Federatës Franceze të Futbollit, ku u takua me presidentin Noel Le Graet:
“Për mendimin tim, Michel Platini ishte, në kohën e tij, lojtari më i mirë ose një nga lojtarët më të mirë në botë. Më vonë, Zinédine Zidane ishte gjithashtu një lojtar i madh. Kylian Mbappé është ndoshta lojtari më i mirë në botë sot. Përfaqësuesja franceze është shumë e fortë”.
Ceferin vlerësoi punën e FFF-së për rritjen e futbollit francez.
“Është e rëndësishme të kemi marrëdhënie të mira me të gjitha shoqatat anëtare të UEFA-s. FFF është një federatë e madhe, ka pasur shumë sukses. Sapo ka fituar edicionin e fundit të Kombeve. Franca ka nxjerrë shumë futbollistë të mëdhenj”.
Ceferin, në fund, dha një mesazh për krizën serioze që po kalon futbolli për shkak të pandemisë Covid-19:
“Futbolli evropian ka vuajtur shumë nga kriza Covid-19. Dua t’ju dërgoj një mesazh shprese, mbi të gjitha. Jam i sigurt se kjo krizë do të marrë fund së shpejti dhe se ne do t’i rikthehemi jetës normale. Futbolli vuajti, por ai ia doli mbanë dhe po i rikthehet shpejt jetës normale. Mendoj për futbollin por edhe për të gjithë shoqërinë”.
Top Channel
