Ekskluzive/ Zgjedhjet në Federatën e Atletikës, Manastirliu “zbut gjakrat”! Ministria ul në tavolinë Izmir Smajlan, Luiza Gegën, Gjergj Rulin dhe Taulant Stërmasin 28/11 15:31
Lionel Messi iu dorëzua pak ditë më parë trofeu Pichichi, që i jepet golashënuesit më të mirë të kampionatit spanjoll.
Argjentinasi ka postuar një imazh në rrjetet sociale, ku duket i buzëqeshur dhe me trofeun në dorë. Është hera e tetë që 34-vjeçari e merr këtë çmim individual, që jepet nga prestigjiozja spanjolle, Marca.
Galaja e “Marca Awards” u zhvillua të hënën, në Madrid, dhe lojtari i PSG-së iu bashkua eventit përmes një lidhjeje me video.
Këtë të premte, Messi shprehu mirënjohjen e tij për këtë vlerësim. “Është nder të jesh në historinë e LaLigas. Më dukej çmenduri se mund të fitoja Pichichin, aq më tepër të mund të kaloja Zarra-n, imagjoni kam fituar tetë Pichichi. Faleminderit të gjithë atyre që më ndihmuan t’i arrij dhe gjithashtu “Marca”-n që erdhi këtë herë në Paris për ta dorëzuar tek unë. Përqafime!”, shkroi argjentinasi në foton me trofeun.
Messi, në këtë mënyrë, tashmë koleksionon Pichichi-n e tij të tetë, falë 30 golave që shënoi në sezonin 2020-2021 në LaLiga. Edhe pse ai nuk mundi të merrte pjesë në ceremoninë gala, Juan Ignacio Gallardo, drejtori i Marca-s, ia dorëzoi në Paris, ku lojtari banon tani. Pichichi nuk ishte i vetmi çmim që mori Leo Messit. Argjentinasi u vlerësua edhe nga tifozët si lojtari më i mirë./Supersport
Top Channel
