Miratohet projekti që i hap rrugë punimeve në Serbi/ Vuçiç kundër protestave të banorëve: Derisa të jem unë President, rruga nuk mund ta sundojë këtë vend

01/12/2021 19:12

Presidenti i Serbisë, Aleksandar Vuçiç ka prezantuar dokumentin që mban datën 1 shkurt 2012, i cili lejonte punimet e Rio Tintos në territorin e Republikës së Serbisë. Ky dokument miraton nxjerrjen e mineraleve të borit dhe litiumit në shkallë gjysmë industriale me shpime në pellgun e Jadrës.

Në një deklaratë për mediat, Vuçiç tha se miratimi i këtij vendimi ishte i vetmi që ishte marrë, ndërsa theksoi se në vitin e ardhshëm dhe dy ose tre muaj, Serbia do të presë një studim nga Rio Tinto për vlerësimin e ndikimit në mjedis.

Ai preku edhe çështjen e protestave të banorëve që preken nga ky projekt, duke thënë se drejtues të protestës janë pikërisht ata që i kanë shitur tokën Rio Tintos dhe kanë marrë paratë.

Ai bëri të ditur se do të shkojë në 10 fshatra që do të preken nga këto projekte për të biseduar me qytetarët.

Unë dua të matim bashkërisht se çfarë na sjell të mira dhe çfarë na sjell të këqija. Nuk do të flas me manjatë, por me njerëzit dhe t’u përgjigjem pyetjeve. Është detyrë e imja të flas me popullin, sidomos me ata që mendojnë se mendojnë ndryshe nga unë, edhe pse nuk e kanë dëgjuar qëndrimin tim. Do të jem gati të flas ditë e natë, jam gati të dëgjoj çdo mikpritës, fshatar zotni apo zonjë. Nuk më pëlqen të bëj lajka për askënd, por theksoj se rruga nuk do të sundojë kurrë këtë vend.

Ky vend qeveriset nga institucionet dhe kështu do të jetë derisa të jem president. Dhe kjo do të thotë se unë nuk e kam nënshkruar ende ligjin për ndryshimet në sistemin tatimor, ligjin për shpronësimet dhe ligje të tjera. Unë kam marrë disa ankesa, nga shoqatat profesionale, pasi nuk kam marrë asnjë ankesë kuptimplotë nga rruga”, përfundoi Vuçiç.

Top Channel