Avioni me 181 pasagjerë përplaset me gardhin në aeroportin në Korenë e Jugut, dhjetëra të plagosur 29/12 02:13
Kreu i OBSH-së Dr. Tedros Adhanom Ghebreyesus
Organizata Botërore e Shëndetësisë (OBSH) ka deklaruar një “variant të ri shqetësues”, pra një mutacion të ri të koronavirusit.
Varianti, me emrin Omicron, u raportua për herë të parë në OBSH nga Afrika e Jugut më 24 nëntor. I njohur më parë si B.1.1.529, ai është identifikuar gjithashtu në Belgjikë, Botsvanë, Hong Kong dhe Izrael.
OBSH tha të premten se provat e hershme sugjeronin një rrezik në rritje të riinfeksionit me këtë variant.
Në një deklaratë të premten, ku zyrtarisht është emëruar edhe varianti i ri, organizata tha se numri i rasteve të këtij varianti duket se po rritet në pothuajse të gjitha provincat e Afrikës së Jugut.
“Ky variant ka një numër të madh mutacionesh, disa prej të cilave janë shqetësuese”, thuhet në një deklaratë.
Nuk është e pazakontë që një virus të ndryshojë me kalimin e kohës. Një variant bëhet një variant shqetësues kur ai mutacion mund të ndikojë në gjëra të tilla si transmetueshmëria, virulenca ose efektiviteti i vaksinave.
OBSH ka thënë se do të duhen disa javë për të kuptuar ndikimin e variantit të ri, pasi shkencëtarët punojnë për të përcaktuar se sa i transmetueshëm është.
Top Channel
