Lufta në Ukrainë, forcat mbrojtëse ajrore rrëzojnë 93 dronë rusë të lëshuar gjatë natës 20/01 09:16
Së shpejti në BE mund të vaksinohen kundër koronavirusit edhe fëmijët pesë deri njëmbëdhjetë vjeç. Agjencia Europiane e Barnave EMA miratoi përdorimin e vaksinës së Biontech & Pfizer për te miturit e kësaj grupmoshe.
Komisioni përgjegjës i EMA-s rekomandoi në Amsterdam shtimin e grupmoshave që mund të vaksinohen me preparatin e Biontech dhe partnerit të tij amerikan Pfizer.
Doza për këta fëmijë do të jetë sidoqoftë më e ulët se sa për të rinjtë nga dymbëdhjetë vjeç e lart. Vaksina do të jepet si edhe tek të rriturit në formën e dy injeksioneve në krahun e sipërm në një distancë kohore prej tri javësh.
Vendimi përfundimtar pritet të merret nga Komisioni Europian, por kjo konsiderohet si çështje formale. Deri tani vaksina e Biontech Biontech dhe partnerit të tij amerikan Pfizer, është miratuar në Bashkimin Evropian për personat nga mosha dymbëdhjetë vjeç e lart. Në Izrael vaksinimi i fëmijëve të moshës midis 5 – 11 vjeç nisi këtë javë.
Vaksina e njohur me emrin Comirnaty ishte e para që nga katër vaksinat që u lejuan nga BE-ja më 21 dhjetor 2020, fillimisht për grupmoshat nga 16 vjeç e lart.
Në fund të majit vaksina u lejua edhe për fëmijët nga dymbëdhjetë vjeç e lart. Në SHBA deri tani janë vaksinuar me vaksinën e Biontech/Pfizer rreth tre milionë fëmijë e të vegjël.
Top Channel
