Irani konfirmon se do t’i diskutojë çështjet bërthamore me tri shtete perëndimore/ Pritet të gjejë zgjidhje para rikthimit të Trump 24/11 15:21
Ish i dënuari që sulmoi me makinë një paradë Krishtlindjes në SHBA ka dalë sot para gjyqit në Wisconsin ku prokurorët ngritën dhe akuzën e gjashtë të vrasjes pas vdekjes së një fëmije të plagosur të dielën.
39 vjeçari Darrell Brooks tashmë pritet të kalojë pjesën e mbetur të jetës prapa hekurave nëse shpallet fajtor.
Prokurorja Susan Opper tha se të akuzuarit duhet t’i mohohet liria me kusht: “Nuk ka fjalë për të përshkruar rrezikun që i akuzuari përbën për komunitetin, jo vetëm rrezikun e arratisjes por dhe historinë e tij të dhunës. Oficerët e policisë i kishin thenë disa herë të ndalonte, duke rrezikuar jetën e tyre e duke i dalë përpara makinës së masakrës”.
Brooks akuzohet tashmë për gjashtë vrasje të qëllimshme, pas vdekjes së dielën të 8-vjeçarit Jackson Sparks, i cili kishte qenë në gjendje të rëndë që prej sulmit.
Brooks vetëm kohët e fundit ishte liruar me kusht për akuza rezistence e pengim te punës së policisë.
Ata po hetojnë gjithashtu pretendimet nëse shoferi i masakrës ishte duke u larguar nga një tjetër aksident ku përfshihej një përleshje me thika.
Pesë njerëz u vranë dhe 40 u plagosën përfshi dhe fëmijë, kur fuoristrada e kuqe rrëzoi barrikadat e policisë dhe goditi një turmë njerëzish që po bënin një paradë Krishtlindjesh ne qytetin Waukesha.
Brooks u ndalua vetem kur një oficer hapi zjarr ndaj automjetit për ta ndaluar.
Pamje të tmerrshme video tregonin fuoristradën që i afrohej parakalimit dhe më pas shton shpejtësinë duke u përplasur me spektatorë, kërcimtarë e muzikantë ne paradë.
Parada e përvitshme ishte duke u transmetuar direkt në rrjet dhe aksidenti u dëshmua nga shumë njerëz.
Top Channel
