Një shtetas që dyshohet se përndiqte dhe ngacmonte seksualisht një vajzë të mitur është arrestuar në Durrës.
58-vjeçari me iniciale R. A. do të hetohet nga Prokuroria e Durrësit për veprat penale “Ngacmim seksual” dhe “Përndjekje”.
Një rast i ngjashëm u raportua një ditë më parë në Vlorë, ku një 54-vjeçar dyshohet se ka ngacmuar seksualisht mbesën e tij 11-vjeçare.
Ka qenë i ati i vajzës së mitur ai që ka denoncuar rastin. Ai është paraqitur në komisariat, bashkë me 11-vjeçaren.
Mësohet se e mitura nën praninë edhe të psikologut ka pranuar ngacmimin, duke rrëfyer se 54-vjeçari, që vuan nga probleme të shëndetit mendor është përpjekur ta puthë në buzë.
Ngacmimet seksuale te të miturit janë një ndër problemet kryesore në vendin tonë që kohët e fundit po bëhen më shumë publike për shkak të ndërgjegjësimit dhe denoncimeve.
Top Channel
