Mediat kanadeze padisin inteligjencën artificiale OpenAI për shkelje të të drejtës së autorit (fotot)
29/11 21:55
Myanmar ka liruar nga burgu gazetarin amerikan Danny Fenster, të cilin disa ditë më parë një gjykatë ushtarake e dënoi me 11 vjet burg.
Fenster u shpall fajtor për tre akuza të ngritura kundër tij nga ushtria e Mianmarit, e cila mori kontrollin e vendit në një grusht shteti, më 1 shkurt.
Ai akuzohet për shkelje të ligjit të imigracionit, shoqërim të paligjshëm dhe nxitje kundër ushtrisë duke përhapur frikë dhe lajme të rreme.
Në fillim të kësaj jave, Fensterit iu shtuan edhe dy akuza shtesë për kryengritje dhe terrorizëm, të cilat parashikojnë një dënim maksimal me burgim të përjetshëm, por aktgjykimi për këto akuza nuk është dhënë ende.
37-vjeçari Fenster, i cili ishte redaktori menaxhues i faqes në internet Frontier Myanmar, u arrestua në aeroportin ndërkombëtar të Yangon në 24 maj. Ai është një nga dhjetëra gazetarët vendas që janë arrestuar që nga një grusht i shtetit ushtarak në shkurt.
Sipas Frontier, Fenster kishte punuar më parë për Myanmar Now, një faqe e pavarur lajmesh që ka qenë kritike ndaj ushtrisë që nga grushti i shtetit.
Dënimi i Fenster vjen disa muaj pasi një gazetar japonez i pavarur u arrestua në Myanmar dhe u akuzua për përhapjen e lajmeve të rreme.
Yuki Kitazumi, i cili raportonte për shumë prej mediave kryesore të lajmeve japoneze, ishte një nga gazetarët e pakët të huaj në Mianmar.
Autoritetet e Mianmarit thonë se ai ka shkelur ligjin, por e ka liruar sepse Japonia e kishte kërkuar atë.
Top Channel
