Harris dhe Trump fushatë 48 km larg njëri-tjetrit në Pensilvani. Ish-Presidenti: Fitorja këtu na jep shumicën në gjithë vendin. Kandidatja demokrate: Vota juaj, vendimtare 05/11 07:13
Norvegjia do të ofrojë dozën e tretë të vaksinës kundër koronavirusit për të gjithë personat 18 vjeç e lart.
Deri më tash, ky vend u ka ofruar dozën e tretë përforcuese vetëm personave mbi 56 vjeç.
“Secilit person 18 vjeç e lart do t’i ofrohet doza e tretë e vaksinës vitin e ardhshëm”, tha të premten kryeministri Jonas Gahr Stoere në një konferencë për media.
Norvegjia, në fund të shtatorit, u ka dhënë fund masave kundër koronavirusit, të cilat për 18 muaj kanë kufizuar ndërveprimet sociale dhe kanë penguar shumë biznese.
Vendi nuk do t’i kthehet izolimit, tha Stoere.
Edhe pse 87% e të rriturve në Norvegji kanë marrë së paku dy doza të vaksinës kundër koronavirusit, infeksionet dhe shtrimet në spital aktualisht janë duke u shtuar.
Norvegjia përdor vaksinat e prodhuara nga Pfizer/BioNTech dhe Moderna.
Prej shtatorit, ajo ka nisur vaksinimin e të gjithë personave 12 vjeç e lart.
Top Channel
