Kryetari i Bashkimit Demokratik për Integrim, Ali Ahmeti përmes një postimi në llogarinë e tij në ‘Facebook’, ka folur rreth ngjarjeve në Maqedoni, duke i quajtur procese që nuk guxojnë të ndryshojnë marrëdhëniet e vendin me SHBA-të dhe BE-në.
“Miqësia me Shtetet e Bashkuara të Amerikës dhe Bashkimin Europian, por edhe me vendet e rajonit, është e pa alternativë dhe e pacënueshme me asnjë kusht dhe në asnjë rrethanë”, ka shkruar Ahmeti.
Postimi i plotë i Ahmetit:
Miqësia me Shtetet e Bashkuara të Amerikës dhe Bashkimin Europian, por edhe me vendet e rajonit, është e pa alternativë dhe e pacënueshme me asnjë kusht dhe në asnjë rrethanë.
Sot ngadhnjeu ndërgjegja e të arriturave të përbashkëta, liria, barazia, drejtësia, fqinjësia e mirë, orientimi euroatlantik i vendit tonë dhe e ardhmja e sigurt pro perendimore.
Vendi jonë ka nevojë për më shumë siguri, më tepër stabilitet dhe parashikueshmëri politike të plotë.
Mohimi i Marrëveshjes së Ohrit, të Prespës, fqinjësisë së mirë, por edhe NATO-s, Bashkimit Europian, Republikës së Kosovës, gjuhës shqipe, nuk mund të ketë vend këtu.
Siç ju thash, nuk do të veprojmë as me emocione e as në eufori.
Bashkë përgjithmonë!
Top Channel
