Greqia në gjendje kritike nga Covid/ Numri i të infektuarve mund të shkojë në mbi 10 mijë

“Lufta po vazhdon” ka deklaruar një prej mjekeve te spitalit Ipokratio ne Selanik para te cilit ne orët e para te mëngjesit ambulancat sillnin me dhjetëra te prekur nga koronavirusi. Specialiste te tjere paralajmërojnë se deri ne fillim te muajit dhjetor numri i infektimeve ditore do te shkoje ne mbi 10000 dhe numri i vdekjeve ne mbi 100, duke bere thirrje se nese nuk vaksinohet mbi 80% e popullsisë, kronavirusi nuk mund te mposhtet.

Megjithë masat e reja qe kane filluar prej te shtunës ne sektorin privat dhe prej mëngjesit te se henes ne sektorin shtetëror, treguesit e pandemisë ne vend janë çdo dite ne rritje dhe prej fillimit te nëntorit janë regjistruar rreth 43000 infektime te reja dhe 357 humbje jete,shifra record prej fillimit te pandemisë.

Numri i viktimave vazhdon te jete mbi 50 ne dite, ndërsa te intubuarit kane shkuar ne 470 . Qeveria greke vendosi kufizime më të ashpra për personat e pavaksinuar te cilat ndalojnë te pavaksinuarit te hyjnë ne banka, shërbimet administrative ,restorante etj ku kërkohen testet molekulare, apo certifikatat e vaksinimit, dhe kjo ka sjelle nje rritje te vaksinimeve, por ende tendenca është shume e ulet.

Gjithashtu ne Greqi numërohen mbi 444.000 persona qe kane kryer edhe dozen e trete, per te cilët specialistet theksojnë se duhet te behet e detyrueshme. Por ne gjithë vendin është vaksinuar vetëm 61% e popullsisë, ndërkohe qe ne Greqinë e veriut kjo shifër është shume me e ulet, ndaj dhe infeksionet janë aktualisht veçanërisht të larta dhe ne spitalet publike nuk ka me shtretër ne njësite e kujdesit intensiv dhe po dërgohen pacientët për t’u trajtuar në klinika private.

Top Channel