Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Kryedemokrati Lulzim Basha mblodhi kryesinë e grupit parlamentar.
Gazetari i Top Channel, Muhamed Veliu mëson se në këtë mbledhje është diskutuar agjenda parlamentare dhe qëndrimet e opozitës për çdo çështje.
I ndodhur nën sulme konstante e të intensifikuara ditët e fundit nga Sali Berisha, zoti Basha sulmoi ashpër paraardhësin e tij.
“Koha e Sali Berishës ka mbaruar. Bashkë me të ka mbaruar edhe koha e mandateve të skaduara dhe përdorimit të PD-së dhe forumeve të saj për interesa personale.Asgjë dhe askush nuk do ta kthejë PD-në në një bunker për interesat personale të Sali Berishës”, tha Basha.
Lulzim Basha në spiralen problematike ku ka hyrë PD futi edhe Edi Ramën.
“Halli më i madh i shqiptarëve sot është regjimi i Edi Ramës. Prej javësh, me zdërhalljet e tij Sali Berisha është kthyer në një tub oksigjeni për regjimin e Edi Ramës. Unë jam i vendosur t’ja këpus këtë edhe këtë tub oksigjeni për regjimin Edi Ramës”.
Top Channel
