Një aksident ka ndodhur rreth një orë më parë në rrugën Hoxha Tahsim, Tiranë.
Policia bën me dije se një makinë që drejtohej nga një 26-vjeçare ka dalë nga rruga dhe për pasojë ka përplasur një çiklist dhe një këmbësor.
“Sot, rreth orës 11:50, në rrugën Hoxha Tahsim, Tiranë, një automjet me drejtuese shtetasen Xh. N., 26 vjeçe, ka humbur kontrollin dhe ka dalë nga rruga, ku si pasojë ka aksidentuar duke lënë të dëmtuar një çiklist dhe një këmbësor, të cilët po marrin ndihmë mjekësore në spital, nën kujdesin e mjekëve”, tha policia.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
Top Channel
