Lajmi se një grup të rinjsh serbë hoqën flamurin shqiptar nga shtylla në afërsi të ambasadës së Shqipërisë në Beograd, u përhap me shpejtësi në media.
Videoja u publikua në rrjetet sociale e shoqëruar me një mesazh të mbushur me nota të forta nacionaliste. “ Bravo rini, Serbia është e përjetshme përderisa i qëndrojnë besnikë fëmijët e saj!”, thuhet aty.
Urrejtja e serbëve ndaj shqiptarëve nuk ka kufi, ishte komenti I shtypit në Kosovë. Flamujt ishin vendosur neper rruge për shkak të Samitit të Lëvizjes së të Painkuadruarve. Samiti u mbajt më 11 dhe 12 tetor dhe në Beograd mbetën flamujt e shumë vendeve, anëtarë të lëvizjes, përfshirë edhe flamujt e Shqipërisë. Por grupi i të rinjve ka nisur t`i heqë ato.
Sipas mediave pro-qeveritare serbe, përgjegjës për këtë akt provokues është Nikolla Kelanovic, i cili ka pranuar se ka hequr flamujt shqiptarë në kryeqytetin e Serbisë, një person I njohur në publik për sjelljet e tij arrogante. “Unë dhe shoku im po udhëtonim përgjatë ‘Bulevardit’ kur pashë flamujt e Shqipërisë, u ndalëm me qëllimin për t’i hequr.
Kur u afruam, katër djem vrapuan drejt nesh dhe donin të na ndihmonin, kështu që ata u ngjitën dhe hoqën flamujt. Vazhduam tutje dhe hoqëm një duzinë flamujsh”, tha Nikolla për “Telegraf”-in serb. Gazetari i DW, Bahri Cani sakaq thotë sakaq se heqja e flamurit shqiptar në afërsi të ambasadës shqiptare në Beograd nuk ka asgjë të përbashkët me konceptin Open Balkan.
Top Channel
