Gjykata e Tiranës la në burg Rajmond Kunorën, i cili dhunoi vajzën 6-vjeçare, e cila ndodhet në spital në gjendje të rëndë.
27-vjeçari u arrestua ditë më parë, pas denoncimit të Spitalit Pediatrik Nënë Tereza në Tiranë, pasi panë të miturën me shenja dhune.
Nëna e 6-vjeçares së dhunuar në Kamëz nga babai, në një intervistë ekskluzive në emisionin “Shqipëria Live” në Top Channel një ditë më parë, ka treguar detaje nga ngjarja e rëndë.
Vajza ka dëmtime të brendshme të organeve dhe të nxira në organet gjenitale.
Ndërkohë sot në emisionin “Shqipëria Live”, gjyshi dhe gjyshja e 6-vjeçares, prindërit e Rajmond Kunorës, tha një zë se e gjithë kjo është një farsë dhe manipulim, sipas tyree krijuar gruaja e 27-vjeçarit dhe fisi i saj.
Gjyshi i 6 vjeçares: Nuk jemi të bindur, duhet të jetë një montazh manipulim, nuk e besoj kurrë, mund të jetë gruaja e tij me fisin e vet pas kësaj. Nëse vërtetohet se ai e ka prekur vajzën ashtu , djali s’do do të jetë djali im.
Gjyshja e 6-vjeçares: Unë mendoj që është e montuar, s’ka mundësi të jetë e vërtetë. Ata janë ndarë kur lindi vajza, patën tradhti, por ata e dinë vetë, e ka çuar burrin tim në polici, gjoja se e ka dhunuar burri im. Donte të na fuste në burg. Nuk na linte të takonim mbesën. Ajo më ka thënë që ka fol me vajzën dhe vajza ka thënë që s’më ka prek babi. Nusja ka pas interes me na bë keq, me na shujt si fis, më ka thënë ke për ta parë se çfarë do t’i bëj Mondit.
Top Channel
