Superkupa e Spanjës shkon në Katalunjë, Barcelona i jep “shuplakë” Realit në Arabi dhe fiton trofeun e parë të sezonit 12/01 22:06
30 tetori çdo vit ka qenë një ditë feste në Bombonera me rastin e ditëlindjes legjendës Diego Armando Maradona, por këtë herë ishte një ditë e trishtë ose më saktë një përkujtimore për njeriun që magjepsi me futbollin e tij një botë të tërë.
Diego Armando ka 11 muaj që është ndarë nga jeta dhe me rastin e ditëlindjes së tij të 61-të që nuk arriti ta festonte dot në këtë jetë, tifozët e Boca Juniors kanë shpërthyer në lot ndërsa kanë bërë edhe homazhe për Maradonën gjatë sfidës ndaj Gimnasia La Plata për kampionat ndeshje të cilën skuadra e tyre e humbur me rezultatin 0-1. Në minutën e 10, në nder të numrit që përfaqësonte El Pibe D’Oro gjyqtari ndali sfidën në përkujtim të Maradonës.
Fanella të shumta, dedikime, koreografi gjigande, pankarta me emrin dhe fotot e tij, shalle,maska, kore dhe lotë, kështu e nderuan tifozët, futbollistët dhe stafi teknik i Boca Juniors, kujtimin e legjendës së futbollit argjentinas me Maradonën që do të jetë gjithmonë në zemrat e tyre. Diego Armando Maradona u nda nga jeta 25 nëntorin e shkuar në vilën e tij në Buenos Aires për shkak të një arresti kardiak.
Top Channel
