Maratona e Tiranës, atletja Luiza Gega: Këtë vit do të provoj maratonën e plotë
17/10 15:37
Kukësi ka marrë një fitore tejet të rëndësishme ndaj Dinamos me rezultatin 1-0.
Në sfidën që çeli javën e 7-të të Superiores u pa një luftë e ashpër nga të dyja skuadrat por në fund vendosi goli i realizuar nga Edi Basa. Blutë e kryeqytetit e nisën menjëherë kërkues këtë takim dhe në minutën e 13-të patën një shans të artë për të kaluar në avantazh falë Agim Ibraimit, por ky i fundit nuk pati saktësinë e duhur përballe portës.
Kundërpërgjigja e verilindorëve nuk vonoi, në minutën e 28-të, të besuarit e Diego Londos realizuan nëpërmjet Edi Basës ku pasi mori një top të gjatë, arriti të thyejë portierin Harizaj, me golin që u konfirmua pas verifikimit në sistemin VAR. Pjesa e parë u mbyll me epërsinë e kuksianëve pavarësisht tentativave që nuk munguan.
Fraksioni i dytë gjeti sërish Dinamon në sulm, ku në minutën e 48-të pas një aksioni personal, sulmuesi Chinedu nuk shënjestron siç duhet kuadratin e portës me gjuajtjen e tij që përfundon ngjitur me shtyllën. Nëndetësja blu nuk u ndal me kaq, në minutën e 74-të i shkuan sërish pranë golit të barazimit por tentativa e Ibraimit nga goditja e dënimit prej 16 metrash përshëndeti rrjetën e jashtme, pavarësisht se u krijua iluzioni i golit.
Mundësinë e fundit e pati sërish kapiteni maqedonas i Dinamos, por Angelo Tafas ishte pozicional duke neutralizuar gjuajtjen. Me anë të fitores në “Air Albania”, Kukësi i bashkohet Tiranës në krye të renditjes me 14 pikë duke vijuar startin e shkëlqyer ndërsa Dinamo mbetet në vendin e 5-të me 9 pikë të grumbulluara.
Top Channel
