Raportuesja për Kosovën në parlamentin europian, Viola Von Cramon, ndaloi për një vizitë disa ditore në Serbi. Ajo bëri disa komente të fortë për qendrën ruse në Nish.
E pyetur nga gazeta beogradase, “Blic” në lidhje me kërkesat për distancim nga Rusia që paraqiteshin dhe në raportin e progresit, eurodeputetja gjermane përdori si argument Qendrën Ruse në Nish, duke thënë se është e angazhuar në aktivitete spiunazhi.
“Serbia është afër Rusisë në shumë aspekte”, tha Von Cramon, që disa ditë më parë u sulmua verbalisht nga mbështetës të partisë së Aleksandar Vuçiçit.
Sa për perspektivën europiane të Serbisë, Von Cramon e konsideron aktualisht “të pamendueshme që ajo të flasë për hapjen e kapitujve të rinj”.
Sa për Kosovën, ligjvënësja u shpreh se “disa njerëz kanë interes për provokime, nga të dyja palët, dhe kjo nuk është e shëndetshme”.
“Besoj se do të ketë një paketë në fund të procesit, por kjo varet nga njerëzit këtu dhe në Prishtinë. Nuk pres që të ndodhë asgjë para 3 prillit, për shkak të zgjedhjeve në Serbi, tha ajo duke shtuar se “bojkoti i opozitës herën e kaluar nuk e ndihmoi vendin”, dhe se shpreson që “këtë here, opozitarët serbë të bëhen më të zgjuar”.
Top Channel
