Performanca e ujësjellës-kanalizimeve/ Balluku e ashpër: Ky sektor lë për të dëshiruar. Ndërkohë që investojmë rriten humbjet

29/10/2021 12:47

Ministrja e Infrastrukturës, Belinda Balluku është duke marrë pjesë në takim me kryebashkiakët, që po organizohet në ambientet e Kryeministrisë, për analizën e performancës së sektorit ujësjellës – kanalizimeve.

Në fjalën e saj, Balluku tha se ky sektor lë shumë për të dëshiruar, ndërsa shtoi se në ujësjellësit ku vazhdojnë investimet është vënë re rritje e humbjeve.

Balluku thekson se, ndërkohë që investohet rritet përqindja e ujit të papaguar, sasi që vidhet në rrjet ose që humb për shkaqe teknike. Sipas saj ky problem i bën ata që të mendojë se ka një keqmenaxhim nga ana e drejtuesve.

Ky sektor lë për të dëshiruar dhe këtu nuk do përjashtoja asnjë nga ndërmarrjet. Nuk mund të them që ndonjë ka performancë shumë të mirë, qoftë këtu rasti i Korçës apo Pogradecit. Duke hequr këto dyja kemi identifikuar që pavarësisht të gjithë procesit të agregimit që u bë para disa viteve, nga 180 në 57, sërish performanca në të gjitha bashkitë është e dobët. të gjitha shifrat që kemi 39% më pak se 10 orë në ditë.

Në ato ujësjellësa ku ne vazhdojmë dhe investojmë duke mos i përmendur me emra ne kemi patur edhe rritje të humbjeve. Ndërkohë që investohet të rritet përqindja e ujit të papaguar. Uji i papaguar është ajo sasi që vidhet në rrjet ose që humb për shkaqe teknike. Duke u përballur me këtë fakt na lind e drejt atë mendojmë që këtu ka një keqmenaxhim nga ana e drejtuesve.

50% arkëtojnë më pak se 70% të faturave. Detyrimet e energjisë ndaj OSHEE theksohen çdo vit me 2.5 mld lekë dhe ky është një fakt i pandryshueshëm”, tha Balluku.

Top Channel