Ekskluzive/ Zgjedhjet në Federatën e Atletikës, Manastirliu “zbut gjakrat”! Ministria ul në tavolinë Izmir Smajlan, Luiza Gegën, Gjergj Rulin dhe Taulant Stërmasin 28/11 15:31
Trajneri i Dinamos, Bledi Shkëmbi, ka pak gjëra për t’i kritikuar skuadrës së tij, pavarësisht humbjes përballë Kukësit.
Në “Gol pas Goli”, trajneri korçar deklaroi:
“Kemi bërë gjithçka mire, përveçse në rastin e golit të Kukësit. Lojtarët vepruam ashtu siç e kishim përgatitur ndeshjen. Patëm raste për të shënuar, nuk arritëm t’i shfrytëzonim, ndërsa Kukësi përfitoi nga ai rast dhe shënoi.
E theksoj, nuk kemi luajtur keq përveç atyre 10 sekondave kur pësuam gol. I mërzitur jam vetëm për rezultatin, jo për pjesën tjetër. Sa i përket Ibraimit, kemi një aset dhe vazhdoj të mendoj që Ibraimi mund të ketë ndonjë moment të dobët, si ai kur duhej të kishte shënuar, por mbetet një lojtar që i bën gjërat si di ai“.
Kukësi doli triumfator në përballjen e parë në histori me Dinamon në elitën e futbollit shqiptar. Goli I kroatit Basa përcaktoi fituesin e kësaj ndeshjeje, që dhuroi shumë emocione me raste të shumta në të dyja portat. Me këtë sukses Kukësi ngjitet në vendin e parë me 14 pikë me golaverazh më të mirë se Tirana, por me një ndeshje me shumë.
Top Channel
