“Sa herë shikoj nipin, harroj që djali ka vdekur”/ Rrëmbimi i fëmijës nga gjyshërit, Anila Hoxha: Rexhepi ka dhimbje dhe heshtje, tregon që 3-vjeçari… 19/04 20:41
Marrëdhënia e Partisë Demokratike me ambasadën e SHBA-së në Tiranë ka sjellë përplasje mes deputetes së PD-së, Grida Duma dhe analistit Andi Bushati, në studion e emisionit “Open” në Top Channel.
Bushati u shpreh se PD nuk ka pasur marrëdhënie të mirë me ambasadën e SHBA, ndërsa shtoi se këto dy forca u bënë bashkë vetëm për t’i ngulur thikën ish-kryeministrit Sali Berisha, për përjashtimin e tij nga grupi parlamentar i PD-së.
Debati i plotë:
Duma: Nuk kemi me Amerikën marrëdhënie patronazhiste.
Bushati: Ju i dhuruat deputetin tuaj kundërshtarit, Ja hodhët kufomën e Saliut Edi Ramës nën këmbë.
Duma: Nëse do ishte kështu nuk do ishte pezullim.
Bushati: Për të ruajtur karriget tuaja i dorëzuat Berishën Edi Ramës. Mirë e bëtë se sic e the ti unë nuk kam ndonjë afeksion për Sali Berishën.
Duma: Ne kemi ambasadën amerikane me vete.
Bushati: Ambasada e SHBA është tallur me PD dhe po e trajton si të gjithë partitë e kapura në këtë vend. Poshtë servilët e ambasadave.
Duma: Nuk jemi servilë të ambasadave. Jemi në raport me partnerin më të madh të ambasadave.
Bushati: PD me Amerikën ka qenë vetëm një herë, për të përjashtuar dhe për t’i ngulur thikën Berishën. Amerika i ka rënë me cangë në kokë PD-së.
Top Channel
