“Marrëdhënia Meta-Kryemadhi raport midis dy hajdutësh”, Ngjela zbërthen skemën: Bashkëpunim kriminal, jo erotik 18/04 14:55
Ish-kryeministri Sali Berisha, në kuadër të foltores për ringritjen e Partisë Demokratike, është ndaluar ditën e sotme në Dibër ku është takuar me simpatizantë dhe mbështetës të tij. Para tyre ka folur për faktin që SHBA e ka shpallur “non grata” duke thënë se nuk do të pranojë fajësinë pa pasur faj, ndaj e ka çuar çështjen në gjykatë.
Berisha: Padita për shpifje personin që më dezinjoi “Non grata”, sill çdo fakt e dokument dhe unë marr çdo vendim. Por unë të pranoj fajësi pa faj? Kurrë. Aq sa jam i përulur para të vërtetës, aq jam i pathyeshëm para mashtrimeve, por mbroj dinjitetin që në 30 vite më kanë votuar, më kanë besuar, i kanë përfaqësuar, kush mendon ndryshe do gabojë se nuk pranoj kurrë një gjë të cilën nuk e kam kryer. Mbetem përjetësisht besimtar i dinjitetit njerëzor dhe i them kryetarit mos u përziej në këtë punë. Njoh me qindra mijëra personalitete në SHBA, Europë dhe kudo por njeriu mbi tokë nuk i kërkoj ndihmë. Do shkoj në gjykatë se edhe gjykate edhe ndihmë nuk shkon.
Berisha thekson se nuk do gjejnë asnjë fakt për të në 100 vjet, por gjithçka e bënë për të rënduar pozicionin e tij politik duke thënë edhe se nuk duhet të futet në parlament. Nga ana tjetër, Berisha shtoi se të vetmit që do përcaktojnë nëse do të hyjë në Kuvend janë zgjedhësit shqiptarë dhe ligji.
Berisha: Pas kësaj, ata të cilët më shpallën “non grata”, meqë nuk kishin asnjë fakt dhe nuk kanë për të pasur 100 vjet, për të rënduar pozicionin tim politik, thanë se ky nuk duhet të futet në parlament. I them, sa ky vend të jetë i pavarur dhe Sovran, kurrë nuk do të ndodhë që cilido qoftë në këtë botë të mund të diktojë kush futet në parlament përveç zgjedhësve shqiptarë dhe ligjeve.
Po të nisesh sot, kësaj lugine të Drinit dhe të zbresësh deri tek kullat, gjen me mijëra shpirtra të rënë për këtë vend dhe sovranitetin e tij. S’mund të ndodhë. Ndaj i them, kryetar harroje. Pasi dështoi, përdori armën më të poshtër që mund të përdorë njeriu dhe që quhet pabesi. Nuk është një betejë për Sali Berishën. Nëse shkova në gjykatë, shkova për dinjitetin tim dhe të shqiptarëve. Nëse shkova në parlament, mbrojtja sovranitetin tim dhe të çdo shqiptari.
Top Channel
