“Dua të bëj një ekspozitë!” Donaldi u tregon banorëve synimin e tij
19/10/2021 03:41
Big Brother po të kërkon edhe ty 26/11 17:58
Të gjithë e njohim Donaldin si një aktor dhe moderator karizmatik. Mirëpo, ai ka thënë se në aktrim gjendet rastësisht, pasi ka studiuar për pikturë në Akademinë e Arteve.
Sikundër ka pranuar edhe vetë, piktura është pasioni më i madh për të. E këtë e ka treguar edhe brenda shtëpisë më të famshme në Shqipëri. Me mjete rrethanore, Donaldi gdhendi në një copë dërrase portretin e mikeshës së tij, Semit.
Sigurisht, ai mori komplimente të shumta për punën e tij që u vlerësua nga banorët. “E ke qarë!”– i tha Iliri-Donaldit teksa po komentonin pikturën e tij.
Sakaq, Donaldi rrëfeu se ka dëshirë të bëjë një ekspozitë. Ndonëse nuk zbuloi detaje të tjera se çfarë po mendon të realizojë, ai u tregua i qartë në synimin e tij për të ardhmen kur tha: “Dua të bëj një ekspozitë!”
Top Channel
