“Toleranca” serbe: “Varini në pemë”, ndjenja shokuese anti-emigrantëve

Për këtë, ekstremistët e djathtë e kërcënuan me vdekje në mediat sociale. Fotografia e tij dhe e pesë të tjerëve, plus të dhënat personale, u nxorën në postërat që shpërndau grupi Patrulla e Popullit, thotë REL.

“Varini në pemë”, ishin thirrjet e tyre shokuese.

Grupi i akuzon ata të gjashtë për përfitime duke siguruar strehim të paligjshëm për emigrantët.

“Ky është një qytet i vogël. Dhe, kur dikush ju etiketon kështu, kjo është një gjë e madhe”, thotë Sevo për Shërbimin e Ballkanit të Radios Evropa e Lirë.

Qyteti i Somborit ka rreth 80,000 banorë. Policia tha se po heton ngjarjen, por, ndërkohë, Sevo u detyrua të mbyllë hotelin e tij.

Sipas Agjencisë për Refugjatë të Kombeve të Bashkuara (UNHCR), Serbia strehon aktualisht rreth 5,000 refugjatë dhe emigrantë.

Ky vend ndodhet në të ashtuquajturën Rrugë Ballkanike, e cila përdoret nga emigrantët dhe refugjatët që i largohen konflikteve, vështirësive dhe persekutimeve.

Numri i emigrantëve që hyjnë ilegalisht në Bashkimin Evropian, duke kaluar Ballkanin Perëndimor, pothuajse është dyfishuar këtë vit, ka thënë në muajin gusht agjencia kufitare e BE-së, Frontex.

Shumica e tyre janë nga Siria dhe Afganistani. Në Sombor, jo shumë larg kufirit me vendet anëtare të BE-së, Kroacinë dhe Hungarinë, refugjatët dhe emigrantët janë vendosur në një qendër shtetërore, që nuk ka kapacitet t’i përballojë numrat.

Bujtinat private, si ajo e Sevos, janë shtuar për të mbushur boshllëkun dhe kjo gjë nuk u pëlqen ekstremistëve të krahut të djathtë.

Top Channel