Makina del nga rruga në Këlcyrë, plagoset 62-vjeçari
10/10/2021 15:58
E rëndë në Tiranë, 26-vjeçarja hidhet nga kati i pestë i pallatit ku banon 01/05 22:25
FOTO ILUSTRUESE
Një persona ka mbetur i plagosur pasi makina me të cilën po udhëtonte në aksin rrugor Këlcyrë-Ballaban ka humbur kontrollin dhe ka dalë nga rruga.
Sipas policisë, aksidenti ka ndodhur rreth orës 15:00 pranë fshatit Bedyqas. I dëmtuar ka mbetur babi i shoferit të mjetit tip “Mitsubishi”, 62-vjeçari me iniciale A.B., që është dërguar në spitalin e Gjirokastrës.
Nuk dihen ende arsyet pse 37-vjeçari humbi kontrollin e makinës, ndërsa në terren po punon grupi hetimor.
Njoftimi i policisë:
Në datën 10.10.2021, rreth orës 15:00, në Sallën Operative ka ardhur një telefonatë se në aksin rrugor Këlcyrë-Ballaban, në afërsi të fshatit Bedyqas, automjeti tip “Mitsubishi”, me drejtues shtetasin A. B., 37 vjeç, banues në Tiranë, ka dal nga rruga.
Për pasojë është dëmtuar pasagjeri (babai i drejtuesit të mjetit), shtetasi A. B., 62 vjeç, banues në Tiranë, i cili është transportuar për në spitalin Rajonal Gjirokastër.
Në vendngjarje kanë shkuar shërbimet e policisë, grupi hetimor po kryen veprimet e mëtejshme për përcaktimin e shkaqeve të aksidentit.
Top Channel
