Analiza/ Mesazhet e Ramës në Londër, kontributi i komunitetit prej 200.000 shqiptarësh në shtetin ishull
24/11 12:15
Sekretari i Përgjithshëm i PD, Gazment Bardhi ka reaguar për dorëheqjen e Ardi Veliut nga posti i Drejtorit të Përgjithshëm të Policisë së Shtetit. Bardhi e cilëson si “një bandit më pak” pasi pretendon se i ka shërbyer grupeve kriminale dhe rrjeteve të trafikut të drogës.
Sipas Bardhit, largimi i Veliut është i detyruar. Ndër të tjera, thekson se pa largimin e Edi Ramës, nuk ka për të patur kurrë luftë serioze ndaj krimit dhe policët e ndershëm do të vazhdojnë të ndihen të tradhtuar dhe të demotivuar.
Sekretari i Përgjithshëm i PD ka renditur edhe disa pika ku se si ishte drejtimi i Ardi Veliut.
Reagimi i plotë
Në krye të Policisë së Shtetit sot ka një bandit më pak. Ardi Veliu ka qenë çdo ditë në shërbim të grupeve kriminale dhe rrjeteve të caktuara të trafikut ndërkombëtar të drogës. Largimi i tij është i detyruar, pavarësisht rezistencës së gjatë të Edi Ramës.
Nën drejtimin e policisë nga Ardi Veliu:
-Shqipëria u rendit ndër vendet kryesore për trafikimin e drogave nga kokaina tek kanabisi.
-Departamenti i Shtetit e futi Shqipërinë ne listën e vendeve kryesore për pastrimin e parave të pista.
-Të drejtat dhe liritë e qytetarëve u përkeqësuan, duke kulmuar me vrasje në rrugë të të rinjve dhe me rrahje të minorenëve.
-Dhuna e ushtruar ndaj opozitës ishte e paprecedentë.
-Policia u përdor në zgjedhje, krah përkrah banditëve, për të blerë vota për partinë në pushtet.
Ardi Veliu nuk është as i pari, as i fundit drejtor policie që gjatë këtyre 8 viteve largohet me turp, duke i shkaktuar dëme të mëdha vendit dhe qytetarëve. Kjo histori do të përsëritet përsa kohë shefi i ardivelinjve, Edi Rama, të jetë partneri kryesor i krimit të organizuar. Pa largimin e Edi Ramës, nuk ka për të patur kurrë luftë serioze ndaj krimit, policët e ndershëm do të vazhdojnë të ndihen të tradhëtuar dhe të demotivuar, si dhe ngjarjet e rënda kriminale do të vijojnë të trondisin qytetet tona.
Top Channel
