Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Lideri i opozitës Lulzim Basha vendosi të mos thërrasë një protestë kombëtare për rritjen e çmimit të energjisë dhe karburantit, por të nxisë dhe mbështesë reagimin popullor të qytetarëve.
“Padiskutim që detyra jonë nuk është thjesht denoncimi që e kemi bërë dhe do të vazhdojmë ta bëjmë, , por është po kështu t’i qëndrojmë në krah shqiptarëve kudo që janë si dhe të nxisim, inkurajojmë, mbështesim dhe përkrahim të gjitha format e reagimit popullor sepse ky nuk është një problem i Partisë Demokratike,por është një problem i të gjithë qytetarëve,është një problem kombëtar”, tha Basha.
Kjo ishte edhe porosia kryesore për deputetët. Publikisht Lulzim Basha ngriti gishtin e përgjegjësisë ndaj Edi Ramën si shkaktarin kryesor të krizës së energjisë, që në bindjen e kryedemokratatit nuk është prodhuar nga faktor të jashtëm.
“Nuk është mashtrimi i Edi Ramës se kjo që po na vjen është çështje e tregjeve ndërkombëtare, kjo është një tjetër pasojë e keqqeverisjes së tij, e dështimeve të tij, e vendimmarrjes së tij gjakftohtë, por kriminale. Që paratë që duhet të çonte për uljen e çmimit të energjisë , për uljen e çmimit të karburanteve, siç I ka premtuar, i ka marrë në fakt, këto çmime i ka shtuar dhe me paratë e mbledhura shtesë ka pasuraur veten e tij dhe një grusht oligarkësh që janë pjesë e thellimit të problemit në Shqipëri, sepse siç theksova dhe dje abuzimi I tyre duke vjedhur energjinë elektrike është pjesë e problemit”, tha Basha.
Lulzim Basha prezantoi një ditë më parë një plan me 7 pika për daljen nga kriza, duke nisur nga ulja e heqja e taksës prej 240 lekë për litër karburanti, ulja e TVSH-së nga 20% në 6% për ushqimet e shportës, subvencionim i çmimit të energjisë për qytetarët si dhe ristrukturim të buxhetit te shtetit.
Top Channel
