Edi Rama është pyetur nëse mund të ketë mjet presioni ndaj BE për të bërë të mundur konfrerencën e parë ndërqeveritare, por kryeministri përdori sërish dasmën dhe dashurinë për të shpjeguar të gjithë situatën.
Pyetje: Deri pak kohë më parë, shqiptarët kanë qenë mbështetës të flaktë të BE. Sot çfarë do t’i thonit një shqiptari që deri dje ka qenë mbështetës i BE, por sot në momentin kur sheh që Shqipërisë do ti mbyllet porta nga liderë të vendeve anëtare është shndërruar në euroskeptik.
Von der Leyen: Dera është e hapur dhe po hapet gjithmonë e më shumë. Ju keni ecur goxha, keni bërë shumë punë dhe Shqipëria ka rritur të gjitha ndryshimet. Ju përgëzoj. Vetë procesi ka sjellë të mira për Shqipërinë. Dua që të jeni krah nesh, të qëndroni pranë nesh dhe keni shumë miq në BE, përfshirë mua dhe po punojmë fort për objektivin që Shqipëria të anëtarësohet në BE. Të punojmë të gjithë për realitetin.
Pyetje: A mund të ketë një mjet presioni ndaj BE?
Rama: Meqë mora si shembuj dasmën dhe krushqit, po ju them që kur e do dikë, e do, nuk ke çfarë bën dhe nuk mund t’i bësh presion që hajde më merr tani ose ik me tjetrën se s’kemi ku shkojmë. Ne jemi në dashuri me BE, këta janë lodhur nga dashuria me njëri tjetrin dhe do thonë do marrim dhe një tjetër, sa të kalojnë këtë fazë do na përqafojnë dhe do jetojnë të lumtur me të ardhmen.
Top Channel
