Plagoset me armë zjarri në rrethana të paqarta 65-vjeçari, policia jep detajet

24/09/2021 07:04

Një 65-vjeçar është plagosur me armë zjarri në rrethana ende të paqarta në territorin e jashtëm të banesës së tij në fshatin Ngurrëz e Vogël në Lushnjë.

Policia bën me dije se shtetasi Faik Veliu është dërguar në spital dhe ndodhet nën kujdesin e mjekëve jashtë rrezikut për jetën.

Grupi hetimor ndodhet në vendngjarje dhe vijon punën për sqarimin e rrethanave të ngjarjes, identifikimin dhe kapjen e autorit.

Ndërkohë shërbimet e Policisë vijojnë krehjen e zonës për të bërë të mundur kapjen e autorit.

Top Channel