Dy persona janë arrestuar nga policia në Lezhë pasi njëri u kap me armë pa leje, ndërsa tjetri me doza kanabisi me vete.
Nga kontrolli i forcave “Shqiponja” tek “Rrethrrotullimi i Shëngjinit”, u ndalua automjeti tip Range Rover. Pasagjeri i identifikuar me inicialet A.M., u kap me armë zjarri pistoletë, më krehër me 7 fishekë.
Në përfundim të veprimeve, nga specialistët për Hetimin e Krimit në Komisariatin e Policisë Lezhë, u bë arrestimi në flagrancë i shtetasit A.M., 41 vjeç, banues në fshatin Rrilë, Lezhë, për vepren penale “Mbajtja pa leje e armëve, armëve shpërthyese dhe e municionit”.
Ndërsa një 19-vjeçar, i identifikuar me inicialet A.D., banues në Lezhë, u kap me doza lëndë narkotike kanabis teksa po lëvizte me motorin e tij në fshatin Pllanë.
Materialet i kaluan Prokurorisë pranë Gjykatës së Shkallës së Parë Lezhë, veprime të mëtejshme.
Top Channel
