Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Në vizitën e saj të fundit si kancelare në Serbi, Merkel i ka kërkuar BE më shumë kompromis për shtetet e Ballkanit Perëndimor që duan të integrohen.
Zgjidhjen e konfliktit me Kosovën ajo e quajti kusht për anëtarësimin. Merkel zhvilloi në Beograd vizitën e fundit si kancelare e Gjermanisë. Pas takimit me presidentin serb, Aleksandar Vuçic, Merkel mbajti një konferencë shtypi, ku u shpreh mbi perspektivën e anëtarësimit të vendeve të Ballkanit Perëndimor.
“Është absolutisht në interesin strategjik të Bashkimit Europian që t`i pranojë këto vende. Mbi to do të ketë ndikime nga rajone të tjera të botës tek këto vende dhe nëse BE nuk ecën sa duhet shpejt përpara, ata do të ndihen të detyruar të afrohen me partnerë të tjerë”.
Merkel e përshëndeti progresin e vendeve të rajonit, por paralajmëroi megjithatë për përpjekje të tjera në drejtim të integrimit. “Për hapjen e kapitujve të tjerë të procesit të zgjerimit sidomos në drejtim të sistemit të drejtësisë është shumë e rëndësishme që të bëhen përparime”, tha ajo ndërsa inkurajoi ” hapa të tjerë në drejtim të shtetit ligjor, demokracisë, pluralitetit dhe shoqërisë civile.” Në të njëjtën kohë në Beograd Merkel paralajmëroi që vendet e Ballkanit Perëndimor të mos ndahen në rrugën e integrimit në BE. Të mos ketë veçim, u shpreh Merkel, duke pasur parasysh këtu, Kosovën dhe Bosnje-Hercegovinën, që janë ende larg hapjes së bisedimeve të anëtarësimit.
Top Channel
