Vret gruan, kapet në pyll/ Vrasësi kishte marrë peng edhe prindërit e bashkëshortes

11/09/2021 12:15

Një ngjarje e rëndë ka ndodhur rreth orës 23:00 të së premtes në Zhupan të Fierit.

Elton Metaj ka vrarë me armë zjarri ish bashkëshorten në shtëpinë e ish vjehrrit të tij.

31-vjeçari ka qëlluar me armë zjarri ish bashkëshorten e tij, Sabrina Bengaj dhe më pas është larguar nga vendi i ngjarjes.

Kjo e fundit ka ndërruar jetë pa mundu të marrë ndihmë mjekësore në spital.

Vëllai i viktimës Armando Bengaj akuzon prokurorinë dhe Gjykatën për lirimin nga burgu të autorit të vrasjes së motrës së tij Sabrina Bengaj.

Policia e kapi gjatë natës autorin e vrasjes të fshehur në një pyll. Atij ju gjet edhe arma. Një ditë më pas nëna e autorit thotë se ka frikë hakmarrjen.

Midis dy bashkëshortëve ka patur mosmarrëveshje të mëparshme. Një vit më parë autori i vrasjes ka marrë peng prindërit e bashkëshortes dhe është dashur ndërhyrja e policisë për ti liruar ata. Pas kësaj ngjarje 31-vjeçari është dënuar me burg pasi akuzohej për armëmbajtje pa leje , dhunë në familje dhe pengmarrje.

Menjëherë pas kësaj ngjarje çifti është divorcuar ndërkohë që kanë një vajza të mitur 2 vjeç e gjysmë. Pavarësisht se 31 vjeçari u gjykua për tre vepra, në 20 korrik të këtij viti ai ka fituar lirinë.

Top Channel