Me doza heroine, kokaine e kanabisi, arrestohen dy shpërndarësit në Durrës
11/09/2021 08:41
FOTO/ U arrestua për dhunën dhe vetëvrasjen e gruas së tij dhe tre fëmijëve, ja kush është Ergys Arazi 05/05 11:39
Policia e Durrësit ka goditur një tjetër rast të shpërndarjes së drogave të forta në doza të vogla.
Forcat e Posaçme “Shqiponja” në DVP Durrës, në vijim të kontrolleve në qytet për rritjen e parametrave të sigurisë dhe goditjen e paligjshmërisë, kanë ndaluar në lagjen nr.6, Durrës, një motomjet me drejtues shtetasin E. P., dhe pasagjer shtetasin P. C.
Gjatë kontrollit fizik ndaj këtyre shtetasve, shërbimet e Policisë, gjetën disa doza me lëndë narkotike heroinë dhe kokainë, një sasi lëndë narkotike cannabis sativa, gati për shitje.
Në vijim të veprimeve nga specialistët për Hetimin e Narkotikëve në DVP Durrës, arrestuan në flagrancë shtetasit E. P., 43 vjeç dhe P. C., 33 vjeç, të dy banues në Durrës.
Në cilësinë e provës materiale u sekuestrua lënda narkotike, motomjeti, 1 aparat celularë dhe një grirëse hashashi.
Top Channel
