Nipi plagos aksidentalisht dajën me armë sportive në Përmet
01/09/2021 08:15
Anulimi i provimit të fazës së dytë, reagon Shkolla e Magjistraturës: Pasi u bë verifikimi i të gjitha ankesave… 24/04 22:03
Foto ilustruese
Një incident është shënuar mesditën e djeshme në Përmet.
Policia njofton se duke luajtur në oborrin e shtëpisë një shtetas i mitur ka goditur aksidentalisht në shpatull me armë sportive dajën e tij.
Ky i fundit është dërguar menjëherë drejt spitalit të Gjirokastrës dhe ndodhet jashtë rrezikut për jetën.
“Rreth orës 14:30, datë 31.08.2021, në Përmet, shtetasi i mitur R. U., duke luajtur në oborrin e banesës, dyshohet se aksidentalisht ka goditur në shpatull me armë sportive (dajën e tij) shtetasin Nj. L., 28 vjeç, banues në Përmet, i cili ndodhet në Spitalin Gjirokastër, jashtë rrezikut për jetën”, thuhet në njoftimin e policisë.
Grupi hetimor sekuestroi në cilësinë e provës materiale armën sportive.
Gjithashtu specialistët e Seksionit të Hetimit të Krimeve në Komisariatin e Policisë Përmet referuan materialet në Prokurorinë pranë Gjykatës së Shkallës së Parë Përmet dhe për shtetasin B. A., 38 vjeç, banues në Përmet, i cili dispononte armën sportive pa lejen përkatëse.
Top Channel
