Shëtitje, lojëra, biseda dhe QETËSI – qytetarët afganë duket se po mësohen shpejt me jetën e tyre të re në Qytetin Studenti.
457 qytetarë afganë mbërritën në vendin tonë vetëm këtë javë, si rezultat i pesë fluturimeve. 182 prej tyre kanë mbërritur vetëm mëngjesin e ditës së sotme me 2 avionë, ku u pritën në Rinas nga zv.ministrja e Punëve të Jashtme, Megi Fino.
108 prej qytetarëve u vendosën në Qytet Studenti dhe pjesa tjetër në struktura hoteliere në Durrës.
Fëmijët tashmë po përjetojnë një tjetër realitet dhe shihet teksa luajnë të qetë e të lumtur në oborret e konvikteve. Burra e gra afganë, shihen në shoqërinë e njëri-tjetrit duke përshkruar ambientet e Qytet Studentit, ndërsa disa prej tyre mbajnë telefona në duar.
Policia e ka rrethuar zonën më shirit në mënyrë që qytetarë të tjerë të mos hyjnë në këtë hapësirë.
Top Channel
