Një konflikt pronësie për një burim uji në fshatin Shllak në Shkodër shkaktoi plagosjen e 72-vjecarit gjatë ditës së sotme.
Është vënë në pranga autorin e dyshuar të ngjarjes, një 31-vjeçar të identifikuar me inicialet F.K., ndërkohë që i moshuari ndodhet në spital jashtë rrezikut për jetën.
Autori 31 vjeçar, lindur në Shllak dhe banues në fshatin Hot i Ri, përplasi me makinë shtetasin Z. P., 72 vjeç gjatë mëngjesit të sotëm dhe më pas e plagosi me armë gjahu çifte.
“Nga veprimet e para hetimore, dyshohet se ngjarja ka ndodhur për shkak të një konflikti pronësie, për një burim uji në fshatin Shllak.
Në momentin e arrestimit, shërbimet e Policisë, kanë gjetur dhe sekuestruar dhe armën e gjahut të cilën e kishte me leje dhe dyshohet se me të ka kryer plagosjen e 72-vjeçarit”, njofton policia.
Materialet iu referuan Prokurorisë pranë Gjykatës së Shkallës Parë Shkodër, për veprime të mëtejshme për veprën penale “Plagosje e rëndë me dashje”.
Top Channel
