Ministria e Shëndetësisë ka bërë publik bilancin e 24 orëve të fundit në lidhje me situatën e covid-19 në vendin tonë. Vihet re se në krahasim me ditën e djeshme kemi pësuar një rritje të frikshme të rasteve me covid, nga 888 që ishin dje sot 921 raste. Po ashtu gjatë kësaj fashe orare ka humbur jetën edhe një 64-vjeçar nga Kruja, duke e çuar numrin e viktimave në 2,487.
Ju informojmë për situatën në 24 orët e fundit, si vijon: Janë kryer 6184 testime, nga të cilat kanë rezultuar pozitivë me Covid19, 921 qytetarë, në këto bashki: 213 raste në Tiranë, 93 në Vlorë, 92 në Shkodër, 58 në Durrës, 44 në Kavajë, 39 në Lezhë, 33 në Mat, 31 në Vau i Dejës, 28 në Lushnje, 27 në Fier, 26 në Berat, 21 në Kamëz, 20 në Sarandë, 18 në Kurbin, 17 në Krujë, nga 14 raste në Elbasan, Peqin, nga 12 raste në Malësi e Madhe, Kukës, 11 në Rrogozhinë, 9 në Gramsh, 7 në Vorë, nga 6 raste në Pogradec, Kuçovë, nga 5 raste në Librazhd, Poliçan, Korçë, Mallakastër, Has, nga 4 raste në Bulqizë, Cerrik, nga 3 raste në Shijak, Memaliaj, Gjirokastër, Himarë, Divjakë, Patos, nga 2 raste në Pukë, Mirditë, Dibër, Roskovec, Selenicë, Belsh, nga 1 rast në Skrapar, Maliq, Këlcyrë, Përmet, Delvinë, Klos, Tropojë.
Aktualisht janë 8311 pacientë aktivë me COVID19 në të gjithë vendin. Në Spitalin Infektiv po marrin trajtim 96 pacientë. Me gjithë përpjekjet e mjekëve, në 24 orët e fundit ka ndërruar jetë një qytetar 64 vjeç nga Kruja. Ministria e Shëndetësisë dhe Mbrojtjes Sociale i shpreh ngushëllimet familjarëve. Janë shëruar 290 qytetarë gjatë 24 orëve të fundit, duke e çuar numrin e të shëruarve në 132,376 që nga fillimi i epidemisë.
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe njerëzit e afërt dhe për të frenuar përhapjen e virusit të rrezikshëm. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse dyshoni se jeni i prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.
Statistika (27 Gusht 2021)
Raste të reja ditore 921
Të shëruar në 24 orë 290
Të shtruar në spitale 96
Humbje jete në 24 orë 1
Testime ditore 6184
Testime totale 1,026,069
Raste pozitive 143,174
Raste të shëruara 132,376
Raste Aktive 8311
Humbje jete 2,487
Shpërndarja gjeografike e rasteve aktive sipas qarqeve:
Tiranë 3103
Shkodër 1415
Vlorë 778
Fier 677
Durrës 582
Lezhë 428
Elbasan 379
Berat 289
Gjirokastër 253
Korçë 160
Kukës 130
Dibër 117
Top Channel
