Tragjike në Brazil! Aeroplani bie në qendër të qytetit, 10 personat që ishin në bord humbin jetën 22/12 17:19
Një zyrtar i lartë britanik sheh një rrezik shumë të lartë të një sulmi terrorist, gjatë operacionit për evakuimin e civilëve nga aeroporti i Kabulit, kundër forcave amerikane dhe britanike.
Shqetësimet janë lidhur me Shtetin Islamik në Afganistan.Sulmi mund të kryhet ose nga kamikazë vetëvrasës ose duke vendosur bomba në automjete.
Forcat amerikane, britanike dhe aleate janë të ekspozuara sepse nuk kanë përfunduar ende një plan për një transferim të sigurt nga Afganistani.
Organizata urgjente për të liruar mijëra afganë me ajër nga Kabuli ngre rrezikun e xhihadistëve potencialë ose individëve potencialisht të rrezikshëm që të depërtojnë tek këta njerëz.
Autoritetet policore evropiane janë të shqetësuara, duke pasur precedentin e flukseve migratore nga Siria, kur disa nga autorët e sulmeve terroriste në Paris në vitin 2015 u fshehën mes refugjatëve. Prandaj lind nevoja urgjente për të kontrolluar ardhjet e reja.
Që nga 13 gushti, Londra ka pritur nga Kabuli 8,458 persona, nga të cilët 5,171 janë afganë, sipas Ministrisë së Brendshme.
Në Francë, një nga pesë afganët nën mbikëqyrjen e autoriteteve më në fund është marrë në paraburgim, sipas zëdhënësit të qeverisë Gabriel Atal.
Në Gjermani, disa të sapoardhur të akuzuar për vepra të zakonshme penale janë identifikuar.
Në Belgjikë, autoritetet kërkojnë vigjilencë në çdo kohë.
Një draft marrëveshje me talebanët për transportimin e sigurt të civilëve nga Afganistani po përgatitet nga Perëndimi, siç u bë e ditur në deklaratat pas samitit të G7.
Në një kohë kur talebanët po tërheqin një vijë të kuqe dhe refuzojnë kërkesën e Perëndimit për një zgjatje përtej 31 gushtit të periudhës së evakuimit të aeroportit, Johnson tha se largimi i sigurt i civilëve nga aeroporti i Kabulit është një përparësi.
Top Channel
