Sulmi terrorist në Gjermani, publikohet fotoja e autorit të dyshuar 21/12 21:09
Një zyrtar i lartë turk i hodhi poshtë pretendimet e palës ruse për blerjen e një njësie të dytë të sistemit të mbrojtjes ajrore S-400. Ai këmbënguli se Ankaraja nuk është në fazat përfundimtare të nënshkrimit të një marrëveshjeje të tillë.
“Nuk ka pasur asnjë ndryshim në statusin e negociatave me Moskën”, tha zyrtari. Drejtori i përgjithshëm i furnizuesit shtetëror rus të armëve Rosoboronexport, Alexander Mikheev, qe shprehur më herët se konsultimet mes Turqisë dhe Rusisë për një furnizim të ri me S-400 ishin në fazën përfundimtare.”Në të ardhmen e afërt ne dhe partnerët tanë do të zyrtarizojmë dhe nënshkruajmë kontratën”, ishte komenti i tij për mediat shtetërore ruse.
Sipas zyrtarit turk, identiteti i të cilit nuk u bë i ditur, raporti është pjesë e operacioni devijues nga ana e Rusisë, ku lëshohen deklarata të pavërteta në raport më Turqinë, e cila është në mesin e disa çështjeve të pazgjidhura me palën amerikane.”Rusët po përpiqen të helmojnë marrëdhëniet tona me Shtetet e Bashkuara,” citohet të ketë thënë zyrtari. Marrëdhëniet mes aleatëve të NATO-s Turqisë dhe Shteteve të Bashkuara u përkeqësuan ndjeshëm në 2019-tën për shkak të blerjes së sistemit të avancuar të mbrojtjes ajrore ruse S-400 nga Ankaraja, çka bëri që Washingtoni ta hiqte Turqinë nga programi i tij i avionëve F-35 Lightning II.
SHBA argumenton se sistemi mund të përdorët fshehurazi nga Rusia për të siguruar detaje të klasifikuara mbi avionët Lockheed Martin F-35 e thotë se ai është i papajtueshëm me sistemet e NATO-s. Turqia nga ana e saj këmbënguli se S-400 nuk do të integrohet në sistemet e aleancës e nuk do të përbëjë një kërcënim për të.
Top Channel
