“Titulli fitohet me inteligjencë, jo si Interi”/ Pronari i Milanit nuk i kursen “kunjat” për zikaltrin: U shpallën kampionë dhe falimentuan 22/12 22:33
Afrojnë tre ndeshje shumë të rëndësishme për përfaqësuesen kuqezi dhe tashmë të gjithë janë të përqendruar aty.
Lista e trajnerit Edoardo Reja është ajo që ngjall herë pas here diskutime dhe me sa duket edhe këtë herë nuk do të jenë të pakta ato.
Top Channel ka mësuar disa prej risive.
Një ndër emrat që bën zhurmë pas mungesës dhe peripecive të kohëve të fundit është pikërisht ai i Taulant Xhakës. Mungesat e mesfushës, njëri prej tyre Amir Abarashi i dëmtuar dhe gjendja relativisht e mirë e mesfushorit e ka detyruar trajnerin Reja që t’i dërgojë sërish ftesë futbollistit të Bazelit.
Herën e fundit që mori ftesë nga trajneri Reja, me të cilin që nga koha kur ka marrë drejtimin e kuqezinjve Xhaka është aktivizuar në dy ndeshje, në total për të dyja 90 minuta, e më pas nuk i është përgjigjur më pozitivisht ftesës së bërë nën argumentin e dëmtimit.
Ndërkohë që me 3 minutat e aktivizuar ndaj San Marinos, Mario Mitaj edhe pse 18-vjec është bërë pjesë e listës së Reja kjo edhe për shkak të mungesës së Emir Lenjanit, gjithashtu i dëmtuar dhe Lorenc Trashit i cili për shkaqe të pandemisë duket e ka të pamundur të lëviz nga klubi i tij.
Nga kampionati shqiptar mbetet vetëm një lojtarë nën ngjyrat kuqezi, Erjon Hoxhallari, mbrojtësi i Tiranës i cili së bashku me Mitajn do të jenë alternativë për repartin e mbrojtjes nga krahët.
Ndërkaq që mungojnë në këtë listë sulmuesi bardheblu Taulant Seferi dhe mesfushori Sherif Kallaku.
Programi i ndeshjeve të kuqezinjve fillon me ndeshjen e datës 2 shtator në Poloni për t’u kthyer më pas në Shqipëri ku do të përballen me datë 5 dhe 8 shtator respektivisht ndaj Hungarisë dhe San Marinos.
Top Channel
