Afganët, strehim në Berat/ Po bëhen gati ambientet e një hoteli
20/08/2021 20:01
Ra në kontakt me energjinë elektrike, ndërron jetë 45 vjeçari në Lezhë
23/04 22:17
Afganët të cilët do të strehohen në Berat duket se do të jenë më fatlumët pasi ata do të akomodohen në një hotel me 5 yje në qendër të qytetit.
Struktura akomoduese është gati dhe krahas strehimit, refugjatëve pritet t’u ofrohet ndihmë edhe psikologjike dhe sociale ndërsa një ambient i posaçëm parashikohet për kryerjen e vizitave mjekësore dhe tamponeve të shpejtë.
“Mendimi im është të mos lëvizin nëpër qytet, se nuk i njohim, të rrinë sipas rregullave”, tha banori.
“Po qeveria normalisht që i kontrollon, nuk ia do të keqen popullit”, tha banorja.
”Po pse mos të vijnë ne kur patëm nevojë na ndihmuan shtetet e tjera”, tha banori.
“S’jam as pro as kundër, të na plotësojnë kushtet ne një herë”, tha banori.
Procesi i strehimit të afganëve po shoqërohet me mungesë informacioni si nga pushteti qendror ashtu dhe ai lokal si për numrin e tyre, kohën e qëndrimit, moshën, gjininë apo shkollimin e tyre.
Jo zyrtarisht bëhet me dije se qyteti i një mbi një dritareve do të jetë shtëpia e përkohshme për rreth 200 familje afgane ku mes tyre do ketë edhe fëmijë, por është ende e paqartë nëse ato do mund të lëvizin lirshëm në qytet apo jeta e tyre e re do jetë e kufizuar vetëm brenda strukturës akomoduese.
Top Channel
