Kultivoi kanabis në pyjet e Librazhdit, policia shpall në kërkim 56-vjeçarin
17/08/2021 10:01
Ra në kontakt me energjinë elektrike, ndërron jetë 45 vjeçari në Lezhë
23/04 22:17
Policia ka shpallur në kërkim një 56-vjeçar dhe po punon për kapjen e tij.
Ky shtetas akuzohet se ka kultivuar kanabis në një zonë të pyllëzuar në fshatin Kostenjë, Librazhd.
“Në vijim të kontrolleve të pandërprera të territorit për parandalimin, evidentimin dhe ndëshkimin e veprimtarisë kriminale në fushën e kultivimit të bimëve narkotike, shërbimet e Komisariatit të Policisë Librazhd, bazuar dhe në informacionet e marra në rrugë policore kanë konstatuar bimë narkotike kanabis të kultivuara në një zonë të pyllëzuar në fshatin Kostenjë, Librazhd.
Në vijim të veprimeve, specialistët për Hetimin e Krimit në Komisariatin e Policisë Librazhd shpallën në kërkim policor shtetasin B.M., 56 vjeç, banues në Paskuqan Babrru, Tiranë”, thuhet në njoftimin e policisë.
Vijon puna intensive për lokalizimin dhe kapjen e tij.
Top Channel
